अन्तर्राष्ट्रिय च्याम्पियनसिपमा नेपालको विजयी सुरुवात, किर्गिस्तानलाई १-० ले हरायो

खेलकुद/पर्यटन

गृहपृष्ठ
खेलकुद/पर्यटन

अन्तर्राष्ट्रिय च्याम्पियनसिपमा नेपालको विजयी सुरुवात, किर्गिस्तानलाई १-० ले हरायो

फक्ताङलुङ म्यागजिन संवाददाता सोमबार, फागुन ५, २०८१

अन्तर्राष्ट्रिय महिला च्याम्पियनसिप फुटबल प्रतियोगितामा आयोजक नेपालले विजयी सुरुवात गरेको छ । सोमबार बेलुका सम्पन्न खेलमा किर्गिस्तानलाई १–० ले हराउँदै नेपालले प्रतियोगितामा विजयी सुरुवात गरेको हो ।
त्रिपुरेश्वरस्थित दशरथ रंगशालामा भएको खेलमा नेपालको जितमा बिमला चौधरीले एक गोल गरिन् ।
उनले दसौँ मिनेटमा गोल गर्दै नेपाललाई अग्रता दिलाएकी थिइन् । बिमलाले सबिता राना मगरले दिएको सटीक पासमा हेडमार्फत गोल गरेकी थिइन् ।
त्यसपछि भने नेपाल फिनिसिङमा चुक्यो । पटक–पटक गोलको अवसर पाउँदा पाउँदा पनि नेपाल किर्गिस्तानविरुद्ध फराकिलो जित निकाल्न चुकेको हो ।
नेपालले सन् २०१९ मा भएको नादेज्दा कपमा किर्गिस्तानलाई ८–२ ले हराएको थियो । तर, यसपटक घरेलु मैदानमा म्याच खेले पनि नेपालले त्यसअनुसारको नतिजा भने हात पार्न सकेन ।
जारी प्रतियोगितामा नेपालले अब बिहीबार लेबनानसँग खेल्ने तालिका छ । यस्तै, नेपालले लिग चरणको अन्तिम खेलमा ११ गते म्यानमारको सामना गर्ने तालिका छ ।

प्रकाशित मिति: सोमबार, फागुन ५, २०८१ २०:४१

प्रतिक्रिया दिनुहोस्