युवतीको विषयमा झगडा, तरबारसहित पक्राउ

दैनिक समाचार

गृहपृष्ठ
दैनिक समाचार

युवतीको विषयमा झगडा, तरबारसहित पक्राउ

फक्ताङलुङ म्यागजिन संवाददाता शुक्रबार, असोज १९, २०८०

विराटनगरः एउटै युवतीलाई दुईजनाले मन पराएको विषयले दुई पक्षबीचको विवादले उग्ररुप लिएको छ ।
केही दिनअघि पनि दुई पक्षबीच विवाद भएको र सो विवादले ‘ग्याङ फाइट’ गर्न भनेर हिँडेका युवाको समूहलाई प्रहरीले पक्राउ गरेपछि सो रहस्य खुलेको हो । विवादले उग्र रुप लिएपछि ग्याङ फाइट गर्न भनेर हिँडेका युवाको समूहलाई प्रहरीले विराटनगर–९ घोघापुल चोकबाट तरबार, बाम्फोक, फलामको नोख, लाट्ठीसहित पक्राउ गरेको प्रहरीले जनाएको छ ।
मोरङ प्रहरीका प्रवक्ता डिएसपी रन्जनकुमार दाहालका अनुसार युवतीलाई मन पराएको विषयले उग्र रुप लिएको बताउँदै हुन आटेको ग्याङ फाइट रोक्न सफल भएको बताए । ‘युवतीको विषयलाई लिएर यसअघि पनि दुई पक्षबीच विवाद भएको रहेछ । विवाद उत्कर्षमा पुगेपछि दुई पक्षबीच दोहोरो झडप अर्थात् ग्याङ फाइटकै अवस्थामा पुगेको रहेछ, बेलैमा सूचना पाएर उनीहरुलाई पक्राउ गरेपछि घटना साम्य पारियो ।’
पक्राउ पर्ने मोरङ र सुनसरीका रहेका छन् । प्रहरीले कटहरी–४ का १८ वर्षीय शेषकवि अलि, सुनसरी बर्जू गाउँपालिकाको विजय चौधरी, सोही ठाउँका राहुल दास र १९ वर्षीय ललनकुमार मेहतासहित १५ जनालाई पक्राउ गरिएको मोरङ प्रहरीका प्रवक्ता डिएसपी दाहालले जानकारी दिए । पक्राउ परेका अन्य १२ जना नावलक रहेकोले प्रहरीले अन्यको नाम गोप्य राखेको छ ।
पक्राउ परेका अलीको समूह विराटनगरको घोगा पुल चोकमा जम्मा भएर दुई वटा सिटीमा ग्याङ फाइट गर्ने उद्देश्यले शान्तिचोक जान भनेर हिँडेका थिए । पक्राउ परेका १५ जनलाई प्रहरीले नियन्त्रणमा लिएर अनुसन्धान सुरु गरेको उनले बताए । उनले अर्को समूहको पनि पहिचान गर्ने काम भइरहेको बताए । पक्राउ परेका युवाहरुले एउटै युवतीको विषयमा झगडा हुन खोजेको बयान दिएको जनाइएको छ ।
पक्राउ परेकाहरूमाथि थप अनुसन्धान भइरहेको प्रहरीले जनाएको छ ।

प्रकाशित मिति: शुक्रबार, असोज १९, २०८० १९:३७

प्रतिक्रिया दिनुहोस्