एमाले विराटनगर महानगर कमिटीमा भण्डारी पक्षबाट गिरीसहितको प्यानल विजयी

दैनिक समाचार

गृहपृष्ठ
दैनिक समाचार

एमाले विराटनगर महानगर कमिटीमा भण्डारी पक्षबाट गिरीसहितको प्यानल विजयी

फक्ताङलुङ म्यागजिन संवाददाता शुक्रबार, वैशाख ५, २०८२

विराटनगर- नेकपा एमाले विराटनगर महानगर कमिटी अध्यक्षमा पूर्वराष्ट्रपति विद्यादेवी भण्डारी पक्षधरका बलराम गिरीसहित प्यानलनै विजयी भएका छन् ।

वैशाख २ गते भएको अधिवेशनको उद्घाटन सत्रको तेस्रो दिन बिहीबार राति भएको निर्वाचनमा गिरीले रोहित कोइरालालाई ५२ मतले पछि पार्दै महानगर कमिटीको अध्यक्षमा निर्वाचित भएका हुन् ।

दोस्रो अधिवेशनका क्रममा अध्यक्ष गिरीले १ सय ७३ मत हासिल गरिरहँदा पार्टी अध्यक्ष केपी शर्मा ओली पक्षबाट कोइरालाले १ सय २१ मत पाएका छन् । त्यसैगरी, उपाध्यक्षमा गिरी पक्षबाट सुरज न्यौपानले १ सय ४५ मतसहित जित निकालेका छन् ।

उनका प्रतिस्पर्धी राम पोखरेलले १ सय ३६ मत हासिल गरे । त्यसैगरि, सचिवमा पनि गिरी पक्षका विज्ञान चापागाइ १ सय ८३ मतसहित विजयी भए । उनको प्रतिस्पर्धी नवराज काफ्ले १ सय ४ मतमा सीमित भए । उपसचिवमा हामिद आजादले १ सय ७८ मत पाइरहँदा चन्द्र शेखर विश्वास ९८ मतमा सीमित भए ।

महिला उपसचिवमा हिमा मैनाली पोखरेलले १ सय ६९ मत हासिल गरेर जित हात पारिन भने, उनको प्रतिस्पर्धी कला डाँगी १ सय ११ मत पाएर पराजित भइन् ।

मोरङमा पूर्वराष्ट्रपति भण्डारीको तर्फबाट विनोद ढकालले नेतृत्व गरिरहेकाछन् । यसअघि, जिल्ला अधिवेशनमा समेत ढकाल नेतृत्वले जित हासिल गरेको थियो ।

प्रकाशित मिति: शुक्रबार, वैशाख ५, २०८२ ०९:२१

प्रतिक्रिया दिनुहोस्