धरान / ‘Sports for Health and Nation’ भन्ने मूल नाराका साथ सञ्चालन गरिएको यु एन नवोदय च्याम्पियन्स लिग सफलतापूर्वक सम्पन्न भएको छ।
धरान–१६ स्थित बिबि फुटसलमा आयोजित लिगको फाइनल खेलसँगै यस वर्षको प्रतियोगिताले औपचारिक समापन पाएको हो।
Navodaya +2 UN College का प्रिन्सिपल तथा क्याम्पस प्रमुख डम्बरकुमार तुम्बापोले खेल अफिसियल बिपुल लिम्बूलाई बल हस्तान्तरण गर्दै लिगको उद्घाटन गरेका थिए। फाइनल खेलमा छात्रतर्फ कक्षा १२ सेक्सन ‘सी’ र छात्रातर्फ सेक्सन ‘ए’ ले उपाधि हात पारेका छन्।
त्यसैगरी छात्रतर्फ कक्षा १२ सेक्सन ‘डी’ र छात्रातर्फ सेक्सन ‘जी’ उपविजेता बनेका छन्।
हरेक वर्ष आयोजना हुँदै आएको यु एन नवोदय फुटसल च्याम्पियन्स लिग नेपालमै पहिलो पटक +2 तहमा सञ्चालन गरिएको फुटसल च्याम्पियन्स लिग भएको दाबी कलेजका प्रिन्सिपल तुम्बापोले गर्नुभयो।
विद्यार्थीहरू पढाइसँगै खेलकुदमा पनि अब्बल बनून् र विश्व खेल जगतमा प्रतिस्पर्धा गर्न सक्षम बनून् भन्ने उद्देश्यले लिगको सुरुवात गरिएको उहाँको भनाइ छ।
यस वर्षको लिगमा छात्रतर्फ १३ टिम र छात्रातर्फ ४ टिम गरी जम्मा १७ टिमको सहभागिता रहेको थियो। विजेता तथा उपविजेता टिमलाई ट्रफी र मेडल प्रदान गरिएको थियो।
पुरस्कार वितरण कलेजका प्रिन्सिपल डम्बरकुमार तुम्बापो, होटल म्यानेजमेन्ट संयोजक गगनमान श्रेष्ठ, लिग संयोजक विष्णुकुमार दाहाल, म्यानेजमेन्ट संयोजक नुर खान, पब्लिक रिलेसन अफिसर रामबहादुर लिम्बू तथा प्राध्यापकहरू दिव्या झा, जानुका तुम्बापो, अञ्जु चौधरी, डा. तुलसी थापा, अरुण प्रधान र लेखा अधिकृत कृष्णमोहन झाले संयुक्त रूपमा गर्नुभएको थियो।
व्यक्तिगत पुरस्कारतर्फ कक्षा १२ सेक्सन ‘डी’ का उमङ्ग राई ‘म्यान अफ द म्याच’, कक्षा १२ सेक्सन ‘सी’ का नितेस लिम्बू ‘टप स्कोरर अफ द सिजन’ तथा सोही सेक्सनका अभीस श्रेष्ठ ‘बेस्ट गोलकिपर’ घोषित भए।
विजेताहरूलाई क्रमशः गोल्डेन ट्रफी बल, गोल्डेन बुट र गोल्डेन ग्लोभ्स पुरस्कार प्रदान गरिएको लिग संयोजक विष्णुकुमार दाहालले जानकारी दिनुभयो।
गत मंसिर महिनादेखि सुरु भएको लिग लिग चरण, दोस्रो चरण, नकआउट र सेमिफाइनल हुँदै आज भव्य रूपमा फाइनल खेल सम्पन्न भएको कलेजका पब्लिक रिलेसन अफिसर रामबहादुर लिम्बूले जानकारी दिनुभयो।
फाइनल खेलको सञ्चालन कलेजका प्राध्यापक सर्णकुमार सम्बाहाम्फेले गर्नुभएको थियो।
