वर्षासँगै चलेको हावाहुरीले क्षति, लडेर एकजनाको मृत्यु

दैनिक समाचार

गृहपृष्ठ
दैनिक समाचार

वर्षासँगै चलेको हावाहुरीले क्षति, लडेर एकजनाको मृत्यु

फक्ताङलुङ म्यागजिन संवाददाता आइतबार, चैत १, २०८२

आइतबार दिउँसो वर्षासँगै चलेको हावाहुरीले जिल्लाका विभिन्न स्थानमा क्षति पुर्‍याएको छ ।
सिदिङवा गाउँपालिकाको साब्लाखु भन्याङमा सरस्वती माध्यमिक विद्यालय साब्लाखुको छाना हावाहुरीले उडाएको छ । मेहेलेको चुङबुङमा टीका राईको घर र नजिकैको विद्यालय भवनमा क्षति पुर्‍याएको स्थानीयले बताएका छन् ।
मेहेले, लिम्बूदिन, सादेवा, साम्लाखुभन्ज्याङ लगायतका स्थानमा क्षति पुर्‍याएको, तर पूर्ण विवरण आइनसकेको गाउँपालिका उपाध्यक्ष कृष्णकुमारी कर्डरियाले जानकारी दिइन् ।
जिल्लाको छथरजोरपाटी गाउँपालिका-४ तेलियामा फलैँचाबाट लडेर एक जनाको मृत्यु भएको छ।
आइतबार दिउँसो स्थानीय ५६ वर्षीय लक्ष्मण लिम्बु छिमेकी भीमकुमारी लिम्बुको घरअगाडिको फलैँचामा बसिरहेको अवस्थामा अचानक लडेका थिए। करिब २० फिट तल खस्दा उनको घटनास्थलमै मृत्यु भएको प्रहरीले जनाएको छ।
घटनाबारे जानकारी प्राप्त हुनासाथ जिल्ला प्रहरी कार्यालय धनकुटाबाट प्रहरी निरीक्षक रामप्रसाद खनालको कमाण्डमा प्रहरी टोली घटनास्थलमा खटिएको थियो।
प्रहरीले घटनाको मुचुल्का लगायत कानुनी प्रक्रिया पूरा गरी शव पोष्टमार्टमका लागि जिल्ला अस्पताल धनकुटा पठाएको जनाएको छ।
घटनाबारे थप अनुसन्धान भइरहेको जिल्ला प्रहरी कार्यालय धनकुटाले जनाएको छ।

प्रकाशित मिति: आइतबार, चैत १, २०८२ १९:२८

प्रतिक्रिया दिनुहोस्