धरानमा जुवा खेलिरहेको अवस्थामा उम्मेदवारदेखि व्यवसायीसम्म पक्राउ

दैनिक समाचार

गृहपृष्ठ
दैनिक समाचार

धरानमा जुवा खेलिरहेको अवस्थामा उम्मेदवारदेखि व्यवसायीसम्म पक्राउ

फक्ताङलुङ म्यागजिन संवाददाता मंगलबार, वैशाख १५, २०८३

धरानमा अनलाइन मार्फत जुवा खेलिरहेको अवस्थामा वडाध्यक्षका उम्मेदवारदेखि व्यवसायीसम्म १० जना पक्राउ परेका छन् ।
मंगलबार रातीको समयमा धरान उपमहानगरपालिका वडा नं १३, लक्ष्मी सडकस्थित मण्डला क्याफेमा अनलाइन जुवा खेलिरहेको भन्ने विशेष सूचनाको आधारमा उनीहरूलाई नियन्त्रणमा लिइएको हो ।
वडा प्रहरी कार्यालय धरान र कोशी प्रदेश प्रहरी कार्यालय विराटनगर बाट खटिएको संयुक्त प्रहरी टोलीले उनीहरूलाई रङ्गेहात पक्राउ गरेको जिल्ला प्रहरी कार्यालय सुनसरीले जनाएको छ ।
प्रहरीले उनीहरूको साथबाट अनलाइन जुवा खेल्न प्रयोग गरिएका विभिन्न कम्पनीका १५ थान मोबाइल समेत बरामद गरेको छ ।
पक्राउ पर्नेहरूमा धरान १३ का हेमन राई, योगेश लिम्बु, मिलन लिम्बु, सुशान्त घिमिरे, कुमार तामाङ, विवेक थापा, सुजित साह, अशोक लिम्बु, भवानी दाहाल र प्रज्वल राई रहेका सुनसरी प्रहरीको प्रवक्ता डिएसपी चन्द्रबहादुर खड्काले जानकारी दिए ।
उनका नुसार पक्राउ परेका सबैलाई इलाका प्रहरी कार्यालय धरानमा राखिएको छ । उनीहरूमाथि जुवा ऐन अन्तर्गत थप अनुसन्धान प्रक्रिया अगाडि बढाइएको प्रहरीले जनाएको छ ।

प्रकाशित मिति: मंगलबार, वैशाख १५, २०८३ २०:१०

प्रतिक्रिया दिनुहोस्