हर्क साम्पाङको पार्टीको विरोध प्रदर्शन

दैनिक समाचार

गृहपृष्ठ
दैनिक समाचार

हर्क साम्पाङको पार्टीको विरोध प्रदर्शन

फक्ताङलुङ म्यागजिन संवाददाता बुधबार, जेठ ६, २०८३

सभामुख डोलप्रसाद (डीपी) अर्यालले श्रम सँस्कृति पार्टीका सांसदहरुलाई कारवाहीको चेतावनी दिएका छन् ।
प्रतिनिधिसभाको आजको वैठक सुरु हुना श्रम सँस्कृति पार्टीका अध्यक्ष समेत रहेका सांसद हर्क साम्पाङलगायत उठेर विरोध जनाएका थिए । वैठक सुरु हुनासाथ श्रम सँस्कृति पार्टीका सांसदले उठेर विरोध जनाउँदै अगाडि बढ्न नदिएपछि सभामुख अर्यालले कारवाहीको चेतावनी दिएका हुन् ।
सभामुख अर्यालले प्रतिनिधिसभा वैठकमा श्रम सँस्कृति पार्टीका सांसदहरुले लगातार पर्चा देखाएर सभाको मर्यादाविपरित अभद्र व्यवहार गरेको भन्दै प्रतिनिधिसभा नियमावली २०७९ को खण्ड झ अनुसार सभाको मर्यादा राख्न आग्रह गरेका छन् । श्रम सँस्कृति पार्टीका सांसदलाई सभामुख अर्यालले आफ्ना क्रियाकलाप सुधार्न समेत चेतावनी दिएका छन् । यसपछि सांसद हर्क साम्पाङ फेरि उठेर विरोध जनाएका थिए । त्यसपछि सभामुख अर्यालले उनलाई दुई मिनेटको समय बोल्नका लागि दिएका थिए ।
सभामुख अर्यालले दिएको दुई मिनेटको समयमा सांसद राईले आफूहरुले जनताका प्रश्न बारम्बार सरकारका मन्त्रीहरुलाई सोध्न चाहेको बताएका छन् । उनले सहकारीको रकम फिर्ता, सुकुम्बासी समस्यालगायतका विषयमा प्रश्न सोध्न चाहेको भए पनि प्रधानमन्त्री र मन्त्रीहरु सदनमा उपस्थित नभई रहेको बताए ।
उनले सरकार जनताप्रति जवाफदेही हुनुपर्ने बताउँदै सभामुखले प्रधानमन्त्री र मन्त्रीहरुलाई सदनमा उपस्थित हुनका लागि रुलिङ गर्नुपर्ने माग गरेका छन् । उनले सदनबाट प्रधानमन्त्री र मन्त्रीहरु भाग्न नपाइने बताएका छन् ।

प्रकाशित मिति: बुधबार, जेठ ६, २०८३ १३:०१

प्रतिक्रिया दिनुहोस्