धरानमा सुकुम्बासी वस्ती रहेको जग्गा खाली गर्न पत्र

दैनिक समाचार

गृहपृष्ठ
दैनिक समाचार

धरानमा सुकुम्बासी वस्ती रहेको जग्गा खाली गर्न पत्र

फक्ताङलुङ म्यागजिन संवाददाता सोमबार, जेठ १८, २०८३

धरानः धरानमा सुकुमबासी बस्ती रहेको जग्गा खाली गर्न संघीय सरकारले पत्र पठाएको छ ।
सुनसरीको धरान-१३ स्थित कृषि उपज बजार क्षेत्रभित्र बसोबास गर्दै आएका सुकुमबासी परिवारलाई हटाउन कृषि तथा पशुपन्छी विकास मन्त्रालयअन्तर्गत कृषि विभागले तीन दिनभित्र विवरण पेस गर्न बजार व्यवस्थापन समितिलाई पत्राचार गरेको छ ।
अहिले मन्त्रालयले बजार क्षेत्रको अतिक्रमण हटाई सरकारी जग्गा संरक्षण गर्न विभागले भनेको छ । विभागले देशभरका ११ वटा कृषि उपज थोक बजार व्यवस्थापन समितिलाई परिपत्र जारी गरेको हो ।
कृषि अर्थ विज्ञ अनुशा कार्कीद्वारा हस्ताक्षरित वैशाख २४ गतेको पत्रमा बजार क्षेत्रभित्र अतिक्रमणको अवस्था अध्ययन गरी सम्बन्धित पक्षलाई जग्गा खाली गर्न र सूचना दिन तथा अटेर गरे स्थानीय तह र प्रशासनसँग समन्वय गरेर कानुनी प्रक्रिया अघि बढाउन भनिएको छ ।
धरान कृषि उपज बजार व्यवस्थापन समितिका व्यवस्थापक लक्ष्मण भट्टराईका अनुसार बजारको करिब २ देखि ३ कट्ठा जग्गामा ६ परिवार वर्षौँदेखि बसोबास गर्दै आएका छन् ।
विभागले बजार क्षेत्रको जग्गा संरक्षणका लागि आवश्यक सुरक्षा प्रबन्ध मिलाएर अतिक्रमण हटाउने कार्य अघि बढाउन र त्यसको प्रगति विवरण मन्त्रालय तथा विभागलाई जानकारी गराउन पनि निर्देशन दिएको छ ।
धरान उपमहानगरपालिकाले भने सुकुमबासी परिवारलाई बलपूर्वक हटाउने पक्षमा नरहेको स्पष्ट गरेको छ । कार्यवाहक प्रमुख अइन्द्रविक्रम बेघाले आफ्नो कार्यकालमा कसैलाई घरबारविहीन बनाउने काम नगर्ने बताए ।

प्रकाशित मिति: सोमबार, जेठ १८, २०८३ १५:०६

प्रतिक्रिया दिनुहोस्