धरानका दुईजना ब्राउन सुगरसहित पक्राउ

दैनिक समाचार

गृहपृष्ठ
दैनिक समाचार

धरानका दुईजना ब्राउन सुगरसहित पक्राउ

फक्ताङलुङ म्यागजिन संवाददाता मंगलबार, भदौ ३०, २०८३

धरानः धरानका दुईजना लागूऔषधसहित पक्राउ परेका छन् ।
प्रहरीलाई छल्दै को३१प ८८८५ नम्बरको स्कुटीमा सवारी उनीहरू लौकहीबाट धरानतर्फ आउँदै गर्दा बाटैमा समातिएका हुन् । जिल्ला प्रहरी कार्यालयका प्रहरी नायब उपरीक्षक चन्द्रबहादुर खड्काका अनुसार पक्राउ पर्नेमा स्कुटी चालक धरान–१७ बस्ने २८ वर्षीय हेम राई र पछाडि सवार ४४ वर्षीय जयबहादुर खड्गी रहेका छन् ।
उनीहरूको साथबाट लागूऔषध खैरो हिरोइन (ब्राउन सुगर) १.३८ ग्राम फेला परेको प्रहरीले जनाएको छ । उनीहरूलाई नियन्त्रणमा लिएर इलाका प्रहरी कार्यालय महेन्द्रनगरमा राखेर थप अनुसन्धान भइरहेको प्रहरीले जनाएको छ । बराहक्षेत्र वडा नं. १ मुसहरी टोलमा इलाका प्रहरी कार्यालय महेन्द्रनगर र प्रहरी चौकी मधुवनको प्रहरी टोलीले उनीहरूलाई समातेको हो ।
बिल बिजकबिनाका लत्ताकपडा ल्याउँदै गर्दा बरामद
धरानः बिल बिजकबिनाका लत्ताकपडा बरामद भएको छ ।
सुनसरीको गढी गाउँपालिका वडा नं. २ गुण्डु पोखरी स्थित दुहबी–इनरुवा सडक खण्डमा इलाका प्रहरी कार्यालय दुहबी र ट्राफिक प्रहरी पोष्ट दुहबी सुनसरीबाट संयुक्तरुपमा खटिएको प्रहरी टोलीले दुहबीबाट इनरुवातर्फ आउँदै गरेको यात्रुबाहक म्याजिकलाई चेकजाँच गर्दा म्याजिकमा लत्ताकपडा फेला पारेको हो ।
करिब १ लाख ६९ हजार २ सय रुपैयाँ बराबरको बिल बिजक बिनाको लत्ता कपडाहरु रहेको सो लत्ताकपडाहरु बरामद गरी आवश्यक कारवाहीको लागि इलाका प्रहरी कार्यालय दुहबी सुनसरीमा ल्याई राखिएको जिल्ला प्रहरी कार्यालय सुनसरीले जनाएको छ ।

प्रकाशित मिति: मंगलबार, भदौ ३०, २०८३ १०:१३

प्रतिक्रिया दिनुहोस्