श्रम संस्कृति पार्टी ४ सय बढी प्रवेश

दैनिक समाचार

गृहपृष्ठ
दैनिक समाचार

श्रम संस्कृति पार्टी ४ सय बढी प्रवेश

फक्ताङलुङ म्यागजिन संवाददाता शुक्रबार, असोज २३, २०८३

धरानः श्रम संस्कृति पार्टीका वरिष्ठ नेता सुदन किराती पार्टीमा प्रवेश गरेपछि पहिलोपटक आफ्नो गृहजिल्ला भोजपुर पुगेका छन् ।
बिहीबार जिल्ला पार्टीले आयोजना गरेको ‘हातेमालो कार्यक्रम’मा सहभागी किरातीले विभिन्न राजनीतिक दलका ४ सयभन्दा बढी नेता–कार्यकर्तालाई श्रम संस्कृति पार्टीमा प्रवेश गराएका छन् । पार्टी प्रवेश गर्नेमा नेपाली कम्युनिस्ट पार्टीका केन्द्रीय सदस्य तथा जनयुद्धकालीन भोजपुरका चर्चित नेता राजेश खतिवडा, पार्टीकी प्रदेश सचिवालय सदस्य तथा पौवादुङमा गाउँपालिकाकी पूर्वउपाध्यक्ष सम्झना राई, प्रदेश सदस्य जीवन किराती र प्रेम किरातीसहित ३ सय ३७ जना नेता–कार्यकर्ता छन्।
त्यस्तै, पदमुक्त भएका जिल्ला समन्वय समिति प्रमुख कमल थुलुङ र टेम्केमैयुङ गाउँपालिका–९ का निर्वाचित वडाध्यक्ष नभराज माङपाहाङ पनि श्रम संस्कृति पार्टीमा प्रवेश गरेका छन् । यसैगरी, नेकपा एमालेका विभिन्न तहमा आबद्ध १ सयभन्दा बढी नेता–कार्यकर्ता पनि श्रम संस्कृति पार्टीमा प्रवेश गरेको जनाइएको छ ।
भोजपुरबाट तीन पटक संघीय सांसदमा निर्वाचित किराती पूर्वसंस्कृति, पर्यटन तथा नागरिक उड्डयनमन्त्रीसमेत हुन् । पार्टी प्रवेशपछि पहिलोपटक गृहजिल्ला पुगेका किरातीको उपस्थितिमा भएको यस कार्यक्रमलाई श्रम संस्कृति पार्टीले भोजपुरमा आफ्नो संगठन विस्तारका रूपमा लिएको छ।

प्रकाशित मिति: शुक्रबार, असोज २३, २०८३ ०६:५१

प्रतिक्रिया दिनुहोस्