धरानकाे दोस्रो कार्यपालिका बैठकबाट १२ वटा प्रस्ताव पारित, ६ वटा समिति गठन

दैनिक समाचार

गृहपृष्ठ
दैनिक समाचार

धरानकाे दोस्रो कार्यपालिका बैठकबाट १२ वटा प्रस्ताव पारित, ६ वटा समिति गठन

फक्ताङलुङ म्यागजिन संवाददाता आइतबार, जेठ २९, २०७९

धरान उपमहानगर पालिकाको दोस्रो कार्यपालिका बैठकले १२ वटा प्रस्ताव पारित गर्नुका साथै ६ वटा समिति गठन गरेर उपमहानगरको प्रवक्ता समेत तोकेको छ ।
आइतबार बसेको कार्यपालिका बैठक दोस्रो बैठकले उपमहानगरले ठेक्का प्रक्रियाबाट राजश्व सङ्कलन गर्दै आएको व्यवसाय सञ्चालन गर्न दिएका विभिन्न भवन, पार्क तथा टहराहरूका सटर तथा कोठाहरू अव भने प्रचलित बजारको प्रतिस्पर्धाका आधारमा राजश्व वृद्धि हुने अवस्थाको विश्लेषण गरी उपमहानगरपालिका आफैले ले भाडा लगाउने भएको छ ।
नगरको आफ्नो स्वामित्व रहेको उक्त स्थानमा ठेक्का लगाउँदा ठेकेदारले बजार प्रतिस्पर्धा मूल्य भन्दा निकै कममा पाउने र उसले निकै ठुलो मार्जिनमा व्यावसायीलाई दिने गरेको भएकाले राजश्व गुमेको भन्दै त्यस्तो अवस्थाको विश्लेषण गरेर उपमहानगरपालिकाले व्यवसायीलाई सोझै भाडामा लगाउने निर्णय गरेको छ ।
बैठकले खानेपानी समस्या, पूर्वाधार विकास, पर्यटन, कृषि स्वास्थ्य तथा सामाजिक विकासलाई आगामी आर्थिक वर्षको बजेट तथा कार्यक्रमको प्राथमिकता निर्धारण गरेको छ ।
त्यस्तै, बैठकले ६ वटा विभिन्न समितिको गठन गरेको छ भने उपमहानगरको प्रवक्तामा धरान १७ का अध्यक्ष सूर्यबहादुर भट्टराई (मनोज) लाई तोकिएको छ ।

प्रकाशित मिति: आइतबार, जेठ २९, २०७९ १९:०१

प्रतिक्रिया दिनुहोस्