छिरिङ र नुमा बने एसइई स्टेट-१ सिङ्गीङ आइडल र डान्सिङ स्टारको उपाधि, पाए ५० हजार र छात्रवृत्ति

दैनिक समाचार

गृहपृष्ठ
दैनिक समाचार

छिरिङ र नुमा बने एसइई स्टेट-१ सिङ्गीङ आइडल र डान्सिङ स्टारको उपाधि, पाए ५० हजार र छात्रवृत्ति

फक्ताङलुङ म्यागजिन संवाददाता शनिबार, असार १८, २०७९

धरानः धरान–१८ स्थित कार्मेल हाइस्कुलका छात्र छिरिङ तामाङ र सिदार्थ इङलिस बोर्डिङ स्कुल विराटचोककी नुमा लिम्बूले प्रदेश नम्बर १ स्तरीय वाइवाइ एसइई स्टेट–१ सिङ्गीङ आइडल सिजन–२ र डान्सिङ स्टार सिजन–१ को उपाधि जितेका छन् ।
धरान–१५ स्थित चुम्लुङ हिमको भवनमा शुक्रबार राति ९ बजे सम्पन्न प्रतियोगितामा उनीहरु बिजेता घोषणा भएका हुन् । छिरिङ र नुमाले ५० हजार रुपैयाँ नगद र प्लस टु अध्ययनका लागि पूर्ण छात्रवृत्ति पाएका छन् ।
यस्तै, गायनतर्फ धरान–१६ स्थित जेनिथ स्कुलका रिजन लोहनी फस्ट रनरअप र धरान–१५ स्थित होलिल्याण्ड इन्टरनेशनल स्कुलकी गनु राई सेकेण्ड रनरअप बनिन् । उनीहरु दुवैजनाले क्रमशः ३० हजार रुपैयाँ नगद, प्लस टु पढ्न ५० प्रतिशत छात्रवृत्ति र तेश्रो हुनेले १५ हजार रुपैयाँ नगद र प्लस टु पढ्न ५० छात्रवृत्ति प्राप्त गरेका छन् ।

यस्तै, नृत्यतर्फ धरान–१० स्थित युएन स्कुलकी नियति राना मगर फस्ट रनरअप र धरान–१२ स्थित सुनाखरी एकेडेमीकी प्रकृति खापुङ सेकेण्ड रनरअप बनिन् । उनीहरु दुवैजनाले क्रमशः ३० हजार रुपैयाँ नगद, प्लस टु पढ्न ५० प्रतिशत छात्रवृत्ति र तेश्रो हुनेले १५ हजार रुपैयाँ नगद र प्लस टु पढ्न ५० छात्रवृत्ति प्राप्त गरेका छन् । प्रतियोगिताका निर्णायकमा गायनतर्फ भ्वाइस अफ नेपाल सिजन–२ का फाइनलिस्ट विकास लिम्बू र विनायक राई थिए भने नृत्यतर्फ छमछमी सिजन–३ कि फस्ट रनरअप मनिता राई र राष्ट्रिय डान्स कोरियोग्राफर पृतम साम्वाहाम्फे रहेका थिए ।
उनीहरुलाई आयोजक फक्ताङलुङ मिडिया हाउस प्रालिका अध्यक्ष डम्बरकुमार तुम्बापो, सल्लाहकार राम लिम्बू, सिजी फुडस नेपाल (वाइवाइ) प्रदेश १ का सहप्रबन्धक रविन्द्र मास्के, धरान प्रतिनिधि लिलानाथ ढुङ्गाना, होटल पिस पोखराका सञ्चालक मित्र तिवारी, युएन कलेजका होटल म्यानेजमेण्ट कोअर्डिनेटर गगनमान श्रेष्ठ, इभेन्ट म्यानेजर तिर्थ कार्कीलगायतले पुरस्कार तथा प्रमाणपत्र प्रदान गरेका थिए ।

प्रदेश १ का प्रदेश प्रमुख पर्शुराम खापुङको प्रमुख आतिथ्यतामा सम्पन्न कार्यक्रममा धरान उपमहानगरपालिकाका उपमेयर अइन्द्रविक्रम बेघा विशिष्ट अतिथिका रुपमा उपस्थित थिए । कार्यक्रममा बोल्दै प्रमुख अतिथि प्रदेश प्रमुख खापुङले प्रदेश १ का स्कुले बालबालिकाहरुको प्रतिभा प्रष्फुटन गर्न कार्यक्रम आयोजना हुँदा खुशी लागेको बताए । उनले आफूले विद्यार्थीको प्रतिभा देखेर दङ्ग परेको समेत बताए ।
एफटिएल अनलाइन टिभीले आयोजना गरेको प्रदेश नम्बर १ भरीबाट फाइनलमा१०–१० जना छनौट भएका थिए । प्रतियोगितामा गायिक मिलन अमात्य, गायक विकास तुम्बापोलगायतले गीत पस्किएर भरपुर मनोरञ्जन प्रदान गरेका थिए ।