मोवाइल चोरीमा पक्राउ परेका व्यक्तिको साथबाट ८० राउण्ड गोली बरामद

दैनिक समाचार

गृहपृष्ठ
दैनिक समाचार

मोवाइल चोरीमा पक्राउ परेका व्यक्तिको साथबाट ८० राउण्ड गोली बरामद

फक्ताङलुङ म्यागजिन संवाददाता बुधबार, असार २९, २०७९

झापाको भद्रपुर नगरपालिकामा मोवाइल चोरीमा पक्राउ परेका एक व्यक्तिको साथबाट ८० राउण्ड गोली बरामद भएको छ ।

मोवाइल चोरीको आरोपमा मंगलबार पक्राउ परेका नगरपालिकाको ५ नम्बर वडाका १८ बर्षीय मोहम्बद प्यारेको साथबाट पेस्तोलमा लाग्ने ८० राउण्ड गोली समेत बरामद भएको जिल्ला प्रहरी कार्यालय झापाले जनाएको छ ।

गत असार २४ गते राती पुरानो भद्रपुरमा राजु अग्रवालले संचालन गर्दै आएको प्रियंका मोबायल पसलबाट पसल भित्र रहेका बिभिन्न कम्पनिका २९ थान, घडी २ थान र नगद रु ६१५०० गरी जम्मा रु ५ लाख अठार हजार दुई सय मुल्य बराबरको चोरी भएको भनि जानकारी आएसंगै चोरीमा संग्लग्न ब्यक्तिको खोजतलास प्यारेलाई पक्राउ गरेको कार्यालयल जनाएको छ ।

पक्राउ गरेसंगै सोधपुछ र अनुसन्धान गर्ने क्रममा सटर फुटाउन प्रयोग गरेको रड र पसलमा लगाएको तोडिएको तालासहित चोरी भएका मध्ये १ थान मोवायल, मोवायलको चार्जर २७ थान र प्यारेको घरबाट ८० राउण्ड पेस्तोलको गोली बरामद भएको कार्यालयले जनाएको छ ।

घटाना सम्बन्धमा अन्य थप अनुसन्धान भइरहेको कार्यालयले जनाएको छ ।

प्रकाशित मिति: बुधबार, असार २९, २०७९ १५:१२

प्रतिक्रिया दिनुहोस्