धरानको बीपी प्रतिष्ठानमा बिरामीको चाप

स्वास्थ्य/शैली

गृहपृष्ठ
स्वास्थ्य/शैली

धरानको बीपी प्रतिष्ठानमा बिरामीको चाप

फक्ताङलुङ म्यागजिन संवाददाता बिहीबार, जेठ २१, २०८३

धरानः सरकारले निजी अस्पतालमा स्वास्थ्य बीमा कार्यक्रम बन्द गरेपछि धरानस्थित बीपी प्रतिष्ठानमा बिरामीको भीड बढेको छ ।
अस्पताल प्रशासन प्रमुख अशोक साहकाअनुसार दुईसाता अघिसम्म बीपी प्रतिष्ठानमा दैनिक सरदर २ हजार ५ सय जनादेखि ३ हजार जनासम्म उपचारका लागि आउने गरेका छन् । उनका अनुसार बीपी प्रतिष्ठानमा उपचार गर्न दैनिक आउने विरामीहरूको संख्या ३ हजार बाट बढेर ४ हजार २ सय देखि ४ हजार ५ सय जना पुगेको छ ।
सरकारले निजी अस्पतालमा स्वास्थ्य विमा कार्यक्रम बन्द गर्नु र सातामा दुईदिन अर्थात शनिबार र आइतबार सार्वजनिक विदा दिएको कारणले वीपी प्रतिष्ठानमा अस्पतालमा विरामीको चाप बढेको छ ।
सोचे भन्दा बढी बिरामी आउन थालेपछि वीपी प्रतिष्ठानले बुधबारदेखि बिमाको काउण्टर र अन्य काउण्टरक सँगै ओपिडी समय पनि बढाएको छ । मुख्य काउण्टर दुईवटा रहेकोमा ३ वटा थपेर ५ वटा बनाइएको निमित्त कुलपति डा. इन्द्र लिम्बूले बताए ।
उनकाअनुसार ४ वटा मात्र रहेको विमाको काउण्टरमा ३ वटा थपेर ७ वटा बनाइएको छ । विमाको स्क्यानिङ काउण्टरमा थप ३ वटा थपेर ६ वटा बनाइएको छ भने अरु २ वटा काउण्टर पनि विस्तार गर्ने तयारी भइरहेको निमित्त उपकुलपति लिम्बूले बताए ।

प्रकाशित मिति: बिहीबार, जेठ २१, २०८३ १५:४०

प्रतिक्रिया दिनुहोस्