धरानमा बुढासुब्बा गोल्डकप प्रतियोगिता फागुन १३ गतेदेखि हुने

दैनिक समाचार

गृहपृष्ठ
दैनिक समाचार

धरानमा बुढासुब्बा गोल्डकप प्रतियोगिता फागुन १३ गतेदेखि हुने

फक्ताङलुङ म्यागजिन संवाददाता बुधबार, माघ ४, २०७९

धरानः धरानमा हुदै आएको अन्तरर्राष्ट्रिय बुढासुब्बा टुबोर्ग गोल्डकपको २३ औं सँस्करण आगामी फागुन दोस्रो सातादेखि हुने भएको छ ।
प्रतियोगिता आयोजक धरान फुटबल क्लबका अध्यक्ष किशोर राईले मंगलबार एक प्रेस विज्ञप्ति जारी गर्दै प्रतियोगिता आयोजना गर्नेबारे जानकारी गराएका हुन् । २ वर्षदेखि हुन नसकेको प्रतियोगिताको २३ औं सँस्करण फागुन १३ देखि २० गतेसम्म आयोजना गर्ने विज्ञप्तिमार्फत् जानकारी दिएका छन् ।
प्रतियोगितालाई सम्पन्न गर्न सचिवालय र विभिन्न उपसमितिहरु पनि गठन गरिएको अध्यक्ष राईद्धारा विज्ञप्तिमा उल्लेख गरिएको छ । विज्ञप्तिका अनुसार अध्यक्ष किशोर राईको अध्यक्षतामा पदाधिकारीहरु रहेको सचिवालय गठन गरिएको छ ।
प्रतियोगितालाई थप प्रभावकारी वनाउन नविन राई संयोजक रहेको आर्थिक उपसमिति, प्रताप तामाङ संयोजक रहेको प्रचारप्रसार उपसमिति, सुदिप उप्रेती संयोजक रहेको मैदान व्यवस्थापन उपसमिति र रोमी मोक्तान संयोजक रहेको आयोजक टिम तयारी उपसमिति गठन भएको विज्ञप्तिमा उल्लेख गरिएको छ । २०५५ सालदेखि शुरु भएको बुढासुब्बा गोल्डकप कोरोना कहरका कारण हुन नसकेको जनाइएको छ ।

प्रकाशित मिति: बुधबार, माघ ४, २०७९ २०:५८

प्रतिक्रिया दिनुहोस्