प्रदेश १ मा पहिलो पटक चलचित्र महोत्सव आयोजना हुने

दैनिक समाचार

गृहपृष्ठ
दैनिक समाचार

प्रदेश १ मा पहिलो पटक चलचित्र महोत्सव आयोजना हुने

फक्ताङलुङ म्यागजिन संवाददाता शनिबार, फागुन ६, २०७९

प्रदेश १ मा पहिलो पटक चलचित्र महोत्सव आयोजना हुने भएको छ ।
प्रदेशमै पहिलो पटक गर्न लागिएको चलचित्र महोत्सव नेपाल चलचित्रकर्मी महासंघ प्रदेश १ ले आयोजना गर्न लागेको हो ।
सुनसरी सदरमुकाम इनरुवामा फागुनको ७ गतेबाट महोत्सव सुरु हुने छ ।महोत्सव फागुनको १२ गतेसम्म चल्ने छ । इनरुवा नगरपालिकाको संयोजन र प्रदेश सरकारको विशेष सहयोगमा आयोजना हुन लागेको महोत्सवलाई आयोजकले इनरुवा उत्सव तथा चलचित्र महोत्सवको रुपमा सञ्चालनमा ल्याउन लागेको छ ।
चलचित्र महोत्सवमा दुई दर्जन बढी चलचित्र प्रदर्शन हुने आयोजकले जनाएको छ । महोत्सवलाई आयोजकले प्रदेश १ का कलाकारहरुको भावना र सम्मानलाई आत्मसाथ गर्दै दर्शकमाझ नेपाली चलचित्रलाई माया गर्ने परिपार्टीको विकास गर्ने माध्यमका रुपमा अघि बढाउन लागेको जनाएको छ ।
पत्रकार सम्मेलनमा दिइएको जानकारी अनुसार महोत्सवमा स्थानीय कला प्रवद्र्धनसँगै विधागत प्रतिष्पर्धा र उत्कृष्ट व्यक्तित्व र कलाकारका रुपमा तारा सम्मान जस्ता कार्यक्रमको आयोजना गरिने छ ।
महोत्सवमा बेहुली प्रतियोगिता, फेन्सी ड्रेस, नृत्य, निवन्ध, कुस्ती लगायतका प्रतियोगिताका साथै राष्ट्रिय कलाकारको उपस्थितिमा सांस्कृतिक कार्यक्रम समेतको आयोजना हुने छ ।

प्रकाशित मिति: शनिबार, फागुन ६, २०७९ २२:०४

प्रतिक्रिया दिनुहोस्