धरान टप गर्ने विद्यार्थीलाई युएन, नवोदय कलेजद्वारा नगदसहित सम्मान

शिक्षा

गृहपृष्ठ
शिक्षा

धरान टप गर्ने विद्यार्थीलाई युएन, नवोदय कलेजद्वारा नगदसहित सम्मान

फक्ताङलुङ म्यागजिन संवाददाता आइतबार, साउन १३, २०८१

धरानः धरान–१६ स्थित युएन, नवोदय कलेजले त्रिभुवन विश्वविद्यालयले लिएको बिएचएम चौथो सेमेष्टरको परीक्षामा धरान, टपर, सेकेन्ड र थर्ड टपर हुने विद्यार्थीलाई नगदसहित सम्मान गरेको छ ।
कलेजमा एक कार्यक्रमको आयोजना गरी सम्मान गरेको हो । सम्मानित हुनेहरूमा धरान टपर हुने क्रमशः रोमन लिम्बू र सन्ध्या थेगिम लिम्बू रहेका छन् । उनीहरूलाई कलेजका अध्यक्ष ज्ञानेश्वर झा, क्याम्पस प्रमुख डम्बरकुमार तुम्बापो र होटल म्यानेजमेन्ट कोअर्डिनेटर गगनमान श्रेष्ठले नगद जनही १० हजारसहित सम्मान– पत्र, अबिर र खदाले सम्मान गरेका छन् । रोमन र सन्ध्याले बराबर जिपिए ३ दशमलब ८१ प्राप्त गरेका छन् ।
धरान सेकेण्ड टपर रोयल राई भए भने थर्ड टपर सागर तामाङ भए । उनीहरूलाई कलेजका पब्लिक रिलेसन अफिसर रामबहादुर लिम्बू र अध्यापक सिर्जना लिम्बूले क्रमशः ५ हजार र ३ हजार नगदसहित अविर र खदा लगाएर सम्मान गरे । रोयल र सागरले क्रमशः ३ दशमलव ७९ र ३ दशमलव ७७ जिपिए प्राप्त गरेका छन् ।
सम्मानपछि क्याम्पस प्रमुख तुम्बापोले बधाई दिँदै यसअघि यु.एन. कलेजबाट धरान टपर, जिल्ला टपर, प्रदेश टपर र नेपाल सेकेन्ड टपरसम्म भएको हुँदा आगामी दिनमा होटल म्यानेजमेन्टमा नेपाल टपर बन्ने गरी मिहिनेत गर्न विद्यार्थीहरुलाई आग्रह गरे । “मिहिनेत गरेर नेपाल टपर हुनु त्यसपछि ५० हजार नगद पुरस्कार दिन कलेज आत्तुर छ ।’ उनले भने ।
कलेजका अध्यक्षझाले कार्यक्रम समापन गर्दै पुरस्कृत विद्यार्थीहरूलाई बधाई ब्यक्त गरे । कार्यक्रमको सञ्चालन अध्यापक अनिमेष बाँस्तोलाले गरे ।