धरानको ज्ञानकुञ्ज स्कुलका विद्यार्थीको बिदाइ

शिक्षा

गृहपृष्ठ
शिक्षा

धरानको ज्ञानकुञ्ज स्कुलका विद्यार्थीको बिदाइ

फक्ताङलुङ म्यागजिन संवाददाता शुक्रबार, फागुन २९, २०८२

धरान–११ स्थित ज्ञानकुन्ज रेसिडेन्सियल स्कुलले कक्षा–१० को अध्ययन पूरा गरी माध्यमिक शिक्षा परीक्षा (एस.ई.ई.)को तयारीमा रहेका विद्यार्थीलाई शुक्रबार एक कार्यक्रमका बीच बिदाई गरेको छ।

स्कुल परिसरमा आयोजित कार्यक्रममा प्रिन्सिपल अरुण राई लगायत शिक्षक–शिक्षिकाले बिदाई भएर जाने विद्यार्थीलाई अबिर र खदा लगाई मायाको चिनो प्रदान गरेका थिए।

सो अवसरमा विद्यार्थीहरूले आफूहरूलाई यतिका वर्षसम्म माया र समर्पणका साथ पढाउने सम्पूर्ण शिक्षक–शिक्षिकाप्रति धन्यवाद व्यक्त गर्दै उपहार समेत प्रदान गरे।

कार्यक्रमलाई सम्बोधन गर्दै प्रिन्सिपल राईले कक्षा–१० को अध्ययन पूरा गरेका विद्यार्थीलाई आगामी एस.ई.ई. परीक्षामा उच्च ग्रेडसहित उत्तीर्ण भएर विद्यालय र अभिभावकको नाम उज्ज्वल बनाउन आग्रह गरे।

२०८२ सालको माध्यमिक शिक्षा परीक्षा (एस.ई.ई.) आगामी चैत्र १९ गतेबाट सुरु हुने तय भएको छ।

ज्ञानकुन्ज रेसिडेन्सियल स्कुल यस क्षेत्रमा गुणस्तरीय शिक्षासँगै विद्यार्थीहरूको सर्वाङ्गीण विकासमा विशेष प्राथमिकता दिने विद्यालयका रूपमा परिचित रहेको छ। अभिभावकहरूको विश्वास, साथ र सहयोगकै कारण विद्यालयले यो अवस्था हासिल गर्न सहज भएको प्रिन्सिपल राईले बताए।

कार्यक्रममा कक्षा–९ का विद्यार्थीहरूले बिदाई हुने विद्यार्थीका लागि गीत तथा नृत्य प्रस्तुत गरी कार्यक्रमलाई थप आकर्षक बनाएका थिए।

प्रकाशित मिति: शुक्रबार, फागुन २९, २०८२ २१:०२

प्रतिक्रिया दिनुहोस्